Ajo që bëri me kombëtaren dha të kuptonte shumë.
Tifozët “kuqezinj” e kuptuan se Jasir Asani është rikthyer, ndërsa realizoi kundër Ukrainës në Pragë në Ligën e Kombeve, duke na dhuruar fitoren e parë për edicionin e ri të këtij kompeticioni.
Mirëpo, ecuria pozitive e tij nuk ndalet vetëm te Kombëtare, pasi pojtari me talent të veçantë, por me ulje e ngritje në karrierë, bëri edhe më shumë në kthimin tek ekipi i tij i klubit në Korenë e Jugut, Gwnagju FC.
Ishte debutimi i tij në Championsin e Azisë, ashtu si edhe debutimi i skuadrës koreane, por mungesa e përvojës nuk prishi asnjë punë, kjo pasi Asani shënoi 3 gola dhe shërbeu një asist në sfidën që Gwangju fitoi me shifrat tepër të thella 7-3 ndaj japonezëve të Yokohama .
Nënkampionia në fuqi e AFC Champions League u shkatërrua në një paraqitje, ku heroi kryesor ishte pikërisht shqiptari, i cili shënoi golin e parë në minutën e dytë, të tretin dhe të fundit, ndërsa asistoi rrjetën e katërt.
Për këtë paraqitje, 29-vjeçari mori notën thuajse perfekte, 9.9, duke i lënë shumë prapa futbollistët e tjerë në fushë.
Ky është një kthim i madh për ekipin e Koresë së Jugut, ndërsa shkëlqimin e parë e pati në gusht, pasi përfunduan problemet që pati me trajnerin. Asani shënoi dy gola muajin e kaluar dhe u shpall lojtari më i mirë i Ligës koreano-jugore. /i.m /abcnews.al
