Loading ...Sheyda Payman është një artiste gjermano-iraniane, por që ka një dashuri të madhe për Shqipërinë. E ardhur në vendin tonë që kur ishte disa javëshe, ajo e ndjen veten më shumë shqiptare.
Në një rikthim nga SHBA, ku jeton prej disa vitesh, Doa tregoi se prindërit e saj kanë ardhur në Shqipëri në vitin 1991. Ata u larguan në Gjermani për t’u rikthyer më pas kur ajo ishte 6 javëshe.
E ftuar në emisionin “ABC-ja e mëngjesit”, Payman tregoi se të birit një vjeç e gjysmë i flet shqip.
Ndër të tjera, ajo tregoi se ka studiuar për matematikë dhe dëshiron që të punojë në fushën e Inteligjencës Artificiale.
“Sapo kam mbaruar doktoraturën në Maj. Ideja ka qenë që të punoj më matematikë. Dua të punoj në fushën e inteligjencës artificiale. Kam ardhur këtu për Këngën Magjike. Kam një band jazz në Amerikë.”, u shpreh artistja.
Sipas saj, publiku në SHBA i mirëpret këngët e saj shqipe.
“Pranvera filloi me ardh” me pianist izraelit. Kur këndoj këngë shqiptare në koncertet e mia, publiku i mer shumë mirë“, u shpreh ajo./abcnews.al
