Ashtu si sezonin e kaluar edhe këtë sezon, “Topçinjtë” e Arsenal dështuan të fitojnë trofeun e Premier League, pasi u rendit në vendin e dytë vetëm dy pikë më pak se Manchester City, mirëpo në “Globe Soccer Awards”, tekniku spanjoll, Mikel Arteta u vlerësua si trajneri më i mirë në Angli.
Në një proncim të shkurtër për mediat, pas marrjes së çmimit, Arteta tregoi se është krenar për këtë vlerësim, si dhe deklaroi se sezonin tjetër do të fitojë trofe me “Topçinjtë” e tij, teksa shtoi se ka një ekip plot me entuziasëm, që do të fitojë me patjetër trofe, pavarësisht se konkurrenca është shumë e fortë.
“Jam jashtëzakonisht krenar, sepse kur vendosa të ndaloj karrierën time si lojtar, mendoja se gëzimet e futbollit do të zhdukeshin. Por, sapo filloi karriera ime si trajner kam ndjerë një pasion të madh për atë që bëj dhe duhet të falënderoj të gjithë lojtarët dhe stafin që më mbështesin në këtë rrugë. Shpresoj që ata të na çojnë në krye dhe të fitojmë trofe. Sezoni i ri? Fitore, fitore dhe vetëm fitore. Ne kemi një ekip plot me entuziazëm dhe duam të fitojmë trofe edhe pse konkurrenca është e fortë, por ne do të bëjmë më të mirën”,- u shpreh Arteta. /i.m /abcnews.al
