Arsenal ka hasur probleme të shumta këtë sezon në Premier League. Oshilacionet e “Topçinjve” kanë qenë të mëdha dhe skuadra e Mikel Arteta renditet në vend të nëntë në kampionat.
Londinezët janë larg kualifikimit në kompeticionet europiane, por një lajm i mirë dhe befasues vjen nga Spanja. AS raporton se Arsenal ka shanse të luajë sezonin e ardhshëm në Champions League. Nëse kampionati i këtij sezoni nuk rinis prej koronavirusit, skuadrat e kualifikuara në Europë do të pëcaktoheshin nga renditja e sezonit të kaluar.
Arsenali e mbylli në vend të pesë sezonin e kaluar. Duke llogaritur faktin që një vend lirohet prej s’kualifikimit të Manchester City, që është dënuar me dy vite pezullim nga kompeticionet europiane, djemtë e Artetës do të përfitonin duke qenë pjesë e katër skuadrave të para ishullore. /abcnews.al
