Olivier Giroud ka vendosur të largohet nga Europa, për t’u transferuar në Shtetet e Bashkuara të Amerikës.
Eksperti i transferimeve, Fabrizio Romano, ka bërë të ditur se sulmuesi francez tashmë ka nënshkruar kontratën me Los Angeles dhe mund të konsiderohet si lojtar i tyre.
Pas marrëveshjes verbale të raportuar në mars, Giroud gjithashtu ka nënshkruar të gjitha dokumentet zyrtare si lojtar i ri i LAFC. Ai do të largohet si lojtar i lirë nga Milani dhe zyrtarizimi i lëvizjes pritet të bëhet në orët në vijim.
Giroud ka nënshkruar kontratë të vlefshme deri në dhjetor të vitit 2025.
Kështu, 37-vjeçari do të qëndrojë te Milani deri në fund të këtij sezoni, për t’iu bashkuar më pas klubit nga MLS./ h.ll/abcnews.al
