Arrihet marrëveshja, Juventusi lë të lirë Gonzalo Higuain

schedule19:49 - 10 Shtator, 2020

schedule 19:49 - 10 Shtator, 2020

Andrea Pirlo ishte i sinqertë me Gonzalo Higuain. “Nuk të kam në plane, duhet të gjesh një ekip të ri”, i tha trajneri i Juventusit sulmuesit, i cili nis të shikonte për një tjetër klub edhe pse ka edhe një vit kontratë me bardhezinjtë dhe përfiton një pagë të lartë.

Tashmë ka edhe një marrëveshje mes argjentinasit dhe Juventusit, për të dalë i lirë. Kjo e bën më të lehtë transferimin e Higuain, i cili normalisht kërkon të përfitojë një kontratë të mirë.

Bisedimet për të nënshkruar në SHBA kanë nisur dhe gazetari Fabrizio Romano shkruan se janë në fazë të avancuar. Sikurse dihet, bëhet fjalë për një kalim të Higuain te Inter Miami, klub që mori falas nga Juventusi edhe Blaise Matuidi. /abcnews.al

Mos rri jashtë: bashkohu me ABC News. Ne jemi kudo!