Arrihet marrëveshja: Inzaghi i Lazios sërish, detajet e kontratës

Simone Inzaghi do të mbetet pjesë e Lazios, klub që i ka besuar për herë të parë pankinën dhe ai ia ka shpërblyer me një punë të mirë.

Në Itali raportojnë se Inzaghi, për të cilin interesohej Napoli kohët e fundit, ka rënë dakord me presidentin Lotito dhe do të nënshkruajë kontratën e re.

Bëhet fjalë për një marrëveshje të vlefshme deri në qershor të vitit 2024 dhe Inzaghi do të përfitojë 2.5 milion euro në sezon. Tani pritet vetëm njoftimi i Lazios për rinovimin. /abcnews.al