Policia e Koparit, në bashkëpunim me agjencinë gjyqësore evropiane Eurojust, arrestoi kreun e një grupi kriminal nga Italia, i cili fshihej në Slloveni.
Ai u dënua për krime të shumta, duke përfshirë kontrabandën e drogës, zhvatjen dhe rrëmbimin, dhe ishte në arrati pasi u dënua me 21 vjet burg.
“Aksioni i shpejtë dhe i koordinuar i autoriteteve italiane dhe sllovene, me mbështetjen e Eurojust, çoi në arrestimin e një krimineli të rrezikshëm që fshihej në Koper”, njofton agjencia evropiane.
Siç thuhet, kreu i organizatës kriminale, me origjinë nga Kalabria, është arratisur para se të jepej dënimi në shkurt të këtij viti.
Grupi që ai drejtonte merrej me tregtimin e kokainës në të gjithë Italinë dhe u dënua ndër të tjera për grabitje, përvetësim dhe armëmbajtje pa leje.
Në një procedurë të veçantë, ai u dënua për krime që lidhen me mafian.
Pas arratisjes së tij, ndaj tij u lëshua një urdhër arresti kombëtar dhe evropian, dhe ndjekja zgjati disa muaj derisa më në fund u gjet në Slloveni./abcnews.al
