Sipas raportimeve të fundit nga media, Deontay Wilder është arrestuar dhe burgosur sot.
Ish-kampioni i peshave të rënda në boks thuhet se është burgosur pasi që një grup i policëve ka gjetur një armë në makinën e tij.
Ai ishte ndaluar nga policët e LAPD në automjetin e tij tip Rolls Royce gjatë orës 1:15 pas mesnate në Hollywood.
Sipas “TMZ”, Wilder gjithashtu kishte xhama të errët të paligjshëm, ndërsa policët që e kishin ndaluar thanë se ata e kontrolluan automjetin e Wilder pasi kishin nuhatur substancë narkotike të llojit marihuanë.
Më pas, policët kishin gjetur edhe armën 9mm në veturën e 37 vjeçarit. Wilder u arrestua me akuzën e armëmbajtjes pa leje dhe posedimit të lëndëve narkotike./ h.ll/abcnews.al
