Pas arrestimit të gazetarit dhe të dashurës së tij familjarët janë në ankth për sigurinë e tyre.
Gazetari Roman Protasevich dhe e dashura e tij ruse Sofia Sapega prej dy ditësh ndodhen në paraburgim, ndërsa nëna e tij bën thirrje për shpëtimin e tij.
“Unë i bëj thirrje gjithë bashkësisë ndërkombëtare për ta shpëtuar tim bir”, ka thënë nëna e tij Natalia Protasevich.
Mediat e huaja shkruajnë se në një video të publikuar një ditë më parë ku gazetari shprehet se policët janë sjellë korrekt me të, dyshimet e familjarëve janë se ai mund të flasë i detyruar.
Sapega dhe Protasevich u arrestuan të dielën, kur një aeroplan që fluturonte nga Athina në Vilnius, në Lituaninë fqinje, u devijua për të ndaluar në Minsk, kryeqytetin bjellorus.
Ndërkohë në lidhje me këtë incident kanë reaguar vendet perëndimore të cilat akuzojnë Bjellorusinë për rrëmbimin e avionit Ryanair që u ridrejtua pas një kërcënimi të supozuar për shpërthim bombe.
Disa kompani ajrore evropiane kanë thënë se ata nuk do të fluturojnë mbi Bjellorusi, si rezultat i kësaj ngjarje. Sot Sofia u mor në pyetje. Ajo u akuzua për kryerjen e një vepre penale. U zgjodh një masë parandaluese – paraburgimi për një periudhë prej dy muajsh, “i tha avokati i saj, Alexander Filanovich shërbimin rus të BBC të martën.
Sapega tani është në një qendër paraburgimi të KGB në kryeqytetin bjellorus, tha ai. e.su./abcnews.al
