Arrestimi i gazetarit amerikan është aprovuar personalisht nga Putin

schedule11:25 - 13 Prill, 2023

schedule 11:25 - 13 Prill, 2023

Presidenti rus, Vladimir Putin ka aprovuar personalisht arrestimin e gazetarit amerikan të “Wall Street Journal”, Evan Gershkovich, sipas burimeve.

Gershkovich, i akuzuar për spiunazh është kthyer në të parin gazetar që arrestohet për diçka të tillë që nga Lufta e Ftohtë me SHBA-të. Gazetari rrezikon deri në 20 vjet burg, nëse dënohet.

Sipas burimeve, miratimi i arrestimit nga presidenti rus pasqyron “influencën në rritje të linjës së ashpër të Kremlinit”, të cilët po shtyjnë të intensifikojnë konfrontimin e Moskës me Uashingtonin.

Shtetet e Bashkuara e caktuan zyrtarisht Gershkovich si “të arrestuar gabimisht” në fillim të kësaj jave, por zëvendësministri i Jashtëm rus Sergei Ryabkov tha se masa nuk do të ndryshonte qasjen e Moskës.

/abcnews.al

Mos rri jashtë: bashkohu me ABC News. Ne jemi kudo!