Loading ...
Ish-ministri i Shëndetësisë dhe Ambasadori i Malit të Zi në Poloni, Budimir Shegrt është arrestuar gjatë ditës së djeshme.
Lajmin e ka bërë të ditur zv. kryeministri Dritan Abazoviç, nëpërmjet një statusi në rrjetin social “Twitter”.
“Është arrestuar ish-Ministri i Shëndetësisë dhe ambasadori i Malit të Zi, Budimir Shegrt. Nuk ka të paprekshëm! Lufta kundër korrupsionit të profilit të lartë mbetet prioritet. Ne do të vërtetojmë se shteti është më i fortë se krimi i organizuar”,shkruan ai.
Ndërkohë Prokurori special, Lidija Vukcevic, urdhëroi ndalimin e tij për 72 orë, ndërsa është pyetur për veprën penale atë të shpërdorimit të detyrës.
Arrestimi erdhi pasi dyshohet se dëmtoi buxhetin e shtetit për 10 milion eurove me rastin e shitblerjes së një klinike.
/abcnews.al/
