Megjithëse luftimet kanë pushuar, numri i të vdekurve vazhdon të rritet në Gaza.
Ministria e shëndetësisë në Gaza e drejtuar nga Hamasi thotë se 24 trupa janë nxjerrë nga rrënojat, shkruan Sky News.
Sipas ministrisë, numri i palestinezëve të vrarë që nga 7 tetori 2023 ka shkuar në 47,487.
“Një numër viktimash janë ende nën rrënoja dhe në rrugë, dhe ekuipazhet e ambulancës dhe të mbrojtjes civile nuk mund t’i arrijnë ato,” thuhej në një deklaratë.
Ministria e Shëndetësisë e Gazës nuk bën dallim mes civilëve dhe luftëtarëve në numrin e të vdekurve.
Megjithatë, nga ata që u identifikuan deri në gusht, shumica ishin gra, fëmijë ose të moshuar./abcnews.al
