Futbolli është lojë skuadra, por roli I yjeve në histori nuk mund të mohohet.
Lionel Mesi e tregoi edhe një herë se çfarë përfaqëson në sportin më të famshëm të botës, duke shënuar plot tri herë e duke shërbyer dy asistë.
Kjo, pasi u kthye në kombëtaren e tij të Argjentinas pasi kaloi dëmtimin, dhe prania e tij në fushë u ndje.
Kampionët e botës fituan 6-0 ndaj Bolivisë në eliminatoret e Kupës së Botës, dhe magjistari I topit shënoi golin e parë, pastaj të pestin dhe të gjashtin.
Ky ishte tregolëshi I tij I 10-të për Argjentinën, duke barazuar rekordin e Kristiano Ronaldos, ndonëse superylli portugez ka më shumë gola e ndeshje me Portugalinë, sesa “Pleshti” me ekipin e tij përfaqësues.
Kur vjen puna për asistet, askush nuk krahasohet me Leon.
Argjentina kryeson renditjen e Amerikës Latine në Kupën e Botës me 22 pikë, ndaj 19 të Kolumbisë, ndërsa Brazili I dha vetes shpresë.
Kjo sepse pesë herë kampionët e botës fituan 4-0 në shtëpi ndaj Perusë.
Përballja ishte në kryeqytetin Brazilia, dhe u vendos nga golat e shënuar nga Rafinja në minutat 38-të e 54-ët me penallti, Andreas Pereira në të 71-tën dhe Luiz Henrike në minutën e 74-ët.
Brazili është në vend të katërt me 16 pikë. /abcnews.al
