Kishin aq shumë vrull, saqë nuk i ndalën dot as kampionët e botës.
Kolumbia ka treguar edhe njëherë, pas aventurës në Copa America se është skuadra e momentit, në Amerikën e Jugut, duke e çuar në 8 serinë e ndeshjeve pa humbje në kualifikueset e Botërorit 2026, por duke i prishur “rekordin” një tjetër kombëtareje.
Bëhet fjalë për Argjentinën, kampionë të botës, e cila u mund me rezultatin e ngushtë, 2-1, nga “Los Cafeteros”, duke i dhënë kështu fund 12 fitoreve radhazi, në të gjitha kompeticionet.
Sërish “heroi” i kolumbianëve ishte “ylli” i mesfushës, James Rodriguez, i cili asistoi golin e parë të Mosquera dhe shënoi golin e fitores në minutën e 60’-të, ndërsa për miqtë “Bardhekaltër” mendoi “fantazisti” i Juventus, Nicolas Gonzalez.
Falë kësaj fitoreje, Kolumbia ngjitet në vendin e dytë të tabelës, me 16 pikë, vetëm dy më pak se Argjentina kryesuese. /i.m /abcnews.al
