Dy gra myslimane me prejardhje algjeriane janë sulmuar me thikë në një park të vogël rreth kullës Eiffel në Paris.
Autoritetet informuan se kanë arrestuar dy agresoret, ndërsa kanë informuar se sherri nisi të agravonte në përdorimin e fjalëve raciste si “arabë të ndyrë”. Prokuroria tha se dy autoret do të përballen tashmë me akuzën e “tentativës për vrasje”.
Një nga gratë myslimane tregoi se një nga agresoret nxori thikën duke e goditur me thikë gjashtë herë, duke i shkaktuar lëndime në mushkëri. Ndërsa gruaja tjetër ka nevojë për operacion në duart e saj.
Ky sulm me motive raciste është regjistruar pak vetëm ditë pas vrasjes së profesorit të histori-gjeografisë. Profesori u ekzekutua pasi kishte nxjerrë përpara nxënësve në klasë disa karikatura të profetit Muhamed./abcnews.al
