Ancelotti nuk shqetësohet shumë rreth thashethemeve që lidhin atë me një largim të mundshëm nga Real Madrid.
Tekniku italian vuri në dukje se këto thashetheme ndodhin pothuajse çdo sezon dhe sigurisht që në Madrid nuk mund të kalosh sezonin pa u kritikuar njëherë si trajner. Duke folur rreth sfidës që ka “Los Blancos” me Real Betis, Ancelotti tha se është e rëndësishme angazhimi kolektiv i mbrojtjes.
“Gjëja më e rëndësishme është pjesa e mbrojtjes, një angazhim kolektiv, punë dhe në ndeshjet e fundit kemi bërë mirë. Cilësia është aty, por mund të ketë momente që nuk i shihni sulmuesit të sulmojnë, por herët a vonë cilësia tregohet”, tha Ancelotti.
I pyetur nëse kritikat dhe dyshimet për të ardhmen e tij i kujtuan periudhën e mëparshme, kur u shkarkua në sezonin e tij të dytë, Ancelotti u përgjigj: “Nuk kam pse të kthehem në vitin 2015, ndodh gjithmonë që ka momente më të vështira se nromalja. Kritika vjen kur gjërat shkojnë keq. Nuk kam pse të kthehem pas në kohë sepse çdo vit ndodhin thashetheme”, është shprehur tekniku italian./ h.ll/abcnews.al
