Evertoni është gati për derbin ndaj Liverpool. Dy ekipet e të njëjtin qytet do të ndeshen mes tyre ditën e shtunë në “Anfield”, duke nisur prej orës 18:30.
Trajneri i Evertonit, Carlo Ancelotti nuk i fsheh ambiciet për duelin ndaj kampionëve në fuqi dhe thekson në konferencën për shtypin se djemtë e tij do të futen në fushë për fitore.
“Ne duam të fitojmë çdo ndeshje që luajmë ndaj Liverpool. Nesër mund të jetë momenti i duhur për t’ia dalë. Gjithçka do të varet nga ajo që do të bëjmë në fushën e blertë.
Nuk kemi fare presion, ne jemi më të fortë se në të kaluarën. Kemi shanset tona për të siguruar një rezultat pozitiv.
James Rodriguez? Ka pasur një problem të vogël muskulor, por ndodhet në gjendje të mirë. James është i lumtur dhe i motivuar“, deklaroi trajneri italian. /abcnews.al
