Carlo Ancelotti i është përgjigjur Varane, i cili para pak ditësh ka deklaruar se askush nuk e uron Real Madrid kur fiton Champions League.
Kjo deklaratë nga ish-mbrojtësi madrilen ka bërë që të reagojë edhe trajneri i këtyre të fundit.
Në një intervistë, tekniku i “Los Blankos” i është përgjigjur Varane se për Real Madrid është “detyrim” të fitohet Champions League, dhe duke qenë një trofe i synuar çdo herë nuk bën ndonjë çudi nëse e fiton sepse skuadra është ndërtuar e tillë.
“Është historia dhe tradita e këtij klubi që vazhdon të jetë një nga më të mirët në botë. Falë kësaj kërkese Reali ka arritur gjithçka që ka arritur. Kur fituam Champions League për herë të dhjetë, ne festuam, por nuk ishim të lumtur. Është e nevojshme për të ecur përpara. Kjo është ajo që kërkon klubi dhe është ajo që kërkojnë edhe tifozët. Nuk e kam këtë ide në kokën time. Tani për tani jam duke menduar vetëm për përgatitjen e mirë të ndeshjeve, strategjinë dhe ndeshja tjetër është kundër Interit në Santiago Bernabeu. Është e vështirë të arrish në finale, por ky është gjithmonë qëllimi ynë”, ka deklaruar Ancelotti. /f.a/abcews.al
