Pavarësisht se është shumë pranë titullit kampion, me “Galaktikët” e Real Madrid, tekniku Carlo Ancelotti ka vendosur të marrë më shumë seriozitet, të gjitha sfidat e mbetura, deri në fundin e këtij sezoni aktual, teksa pasditen e së shtunës do të përballen me skuadrën e Cadiz, në kuadër të raundit të 34-t, të kampionatit spanjoll të futbollit, La Liga.
Një ditë para u zhvillua edhe konferenca për shtyp nga ku tekniku italian konfirmoi edhe një rikthim të bujshëm, siç është ai i “gardianit” belg të portës, Thibaut Courtois, me strategun Ancelotti, i cili “zyrtarizoi” shtatlartin si zgjedhjen e parë, të “Los Blancos”, në sfidën e kthimit, të gjysmëfinaleve, të UEFA Champions League, përballë Bayern Munich.
“Nuk kemi menduar asgjë sepse nuk kemi fituar asgjë. Do ta mendojmë ditën që të jemi matematikisht kampionë. Objektivi i vetëm është të marrim tri pikët në këtë ndeshje. Ne nuk mendojmë se çfarë mund të ndodhë më pas. Vetëm për të përmbushur objektivin tonë kundër një skuadre që po lufton për të mos rënë nga kategoria dhe që do të vijë në “Bernabeu me dëshirë dhe entuziazëm për të fituar pikë.
Nuk më ka ndodhur kurrë që të kem një sezon me vetëm dy humbje. Shpresoj që të vazhdojmë me këtë seri deri në fund të sezonit. Skuadra ka bërë shumë mirë dhe të gjithë kanë kontribuar shumë çdo ditë. Arritëm në fazën finale shumë i emocionuar dhe me “Dua shumë të fitoj tituj”.
Ai është mirë. Nesër do të luajë pas një kohe të gjatë. Është një lajm i mirë për ne që ai është kthyer, si me Militao. Ai është mirë, me entuziazëm të madh dhe të gjithë jemi të kënaqur me të. Finalja që kemi në mendje është të mërkurën kundër Bayern. Lunin do ta luajë atë dhe më pas do të shohim”,- u shpreh “Don Carlo” gjatë konferencës për shtyp. /i.m /abcnews.al
