Në deklaratën e fundit për shtyp, Carlo Ancelotti pranoi për herë të parë se i pëlqen ideja për të trajnuar Brazilin.
Më herët, italiani tha se puna në Real Madrid do të ishte e fundit në karrierën e tij.
“A mendoj se do të tërhiqem pas Real Madridit? Ideja për të drejtuar kombëtaren braziliane sigurisht që më frymëzon, por duhet të respektosh kontratat ekzistuese dhe unë dua të përfundoj atë aktuale”, thotë trajneri.
“Unë nuk e njoh Presidentin e Federatës Braziliane, por nëse ai vjen këtu, sigurisht që do të flas me të. Do të jem i lumtur t’i them përshëndetje.”
Ancelotti ka një kontratë me Madridin deri në vitin 2024, por ka zëra se ai mund të shkarkohet nëse skuadra e përfundon sezonin pa trofe. /G.D abcnews.al/
