Trajneri i Real Madridit, Carlo Ancelotti ka thënë se ndihet shumë i lumtur pasi kanë eliminuar Chelsean dhe kanë arritur në gjysmëfinale të Champions League.
Real Madridi fitoi me rezultatin 2-0 në transfertë te Chelsea në ndeshjen e kthimit, për të kaluar më tej me rezultat të përgjithshëm 4-0.
Ky kualifikim ka bërë që trajneri Ancelotti të ndihet i lumtur me arritjen e ekipit të tij, por sigurisht synimi është finalja e madhe.
“Ne jemi shumë të lumtur që jemi në një tjetër gjysmëfinale. Do të luftojmë për të arritur në finale”, ka thënë fillimisht Ancelotti pas ndeshjes.
“Ishte një ndeshje e vështirë, siç pritej. Chelsea luajti një pjesë të parë të shkëlqyer. Courtois na ndihmoi të mbajmë barazim.
Pjesa jonë e dytë ishte më e mirë, ne ishim në gjendje ta lëviznim topin mirë”, u shpreh Ancelotti./ h.ll/abcnews.al
