Anëtarët e Këshillit të Lartë Gjyqësor dhe 11 anëtarët e Këshillit të Lartë të Prokurorisë janë takuar sot në mbledhjen e përbashkët vjetore. Gjatë fjalës së tij për analizën vjetore të organit që drejton, Gent Ibrahimi u ndal mes të tjerash edhe tek transparenca dhe marrëdhënia e KLP-së me median.
Ibrahimi tha se seancat publike të KLP nuk kanë të krahasuar as me mbledhjet e e qeverisë apo institucioneve të tjera, pasi gjithçka ndodh para kamerave. Megjithatë ai nënvizon se pavarësisht këtë ka pasur keqkuptime me median për transparecën, që si duket vijnë nga fakti i ruajtjes së informacionit që nuk duhet bërë publik.
Lexo edhe: KLGJ dhe KLP mbledhje të përbashkët vjetore, Ibrahimi-Llagami: Sfidë harta e re gjyqësore
“Seancat tona publike si asnjë tjetër. Shikoni mbledhjet e qeverisë, apo të Autoritetet të Konkurrencës, nuk krahasohen. Megjithatë e kemi keqkuptime me median sa i takon transparencës”, u shpreh Ibrahimi. g.v/abcnews.al
