Tirana mbijeton, ndërsa Flamurtari ka zhvilluar një sezon të mirë. Legjenda vlonjate, Vasil Ruçi, bën analizën e tij për sezonin e Superligës.
Nuk ka më mirë sesa kur analizën e bën një mjeshtër. Superliga shqiptare thuajse ka përfunduar, dhe për të flet ish-sulmuesi i madh i Flamurtarit, Vasil Ruci.
Vlonjati natyrisht fillimisht vlerëson skuadrën e tij të zemrës, Flamurtarin, dhe sidomos një njeri që ai e quan me meritë të veçantë.
Ruci: “Flamurtari ka bërë kampionat të mirë, klasifikimin e meriton dhe besoj të zgjidhen gjithë problemet që kanë ngelur pezull. Ne shqiptarët lozim mirë kur s’marrim lekë. Arritja e Flamurtarit është trajneri, trajneri ka arritur të bëjë grupin, ashtu siç ka meritë trajneri te Partizani”.
Gara më intriguese duket ajo për mbijetesë, mes Tiranës dhe Kastriotit.
Ruci: “Besoj që mundësitë më të mëdha i ka Tirana. Vijnë moralisht ndryshe nga një ndeshje e fituar besoj se Flamurtari barazimi është i mjaftueshëm për një ekip”.
Ende nuk është përcaktuar renditje përfundimtare, por Ruci thotë se nuk pati ndonjë zhgënjim që nga fillimi i sezonit.
Ruci: “Që nga fillimi i kampionatit të gjitha ekipet meritonin të futen në UEFA. Është një nga kampionatet që është arbitruar më mirë këto 10 vitet e fundit. Arbitrat kanë qenë shumë korrektë”.
Një ish-lojtar i kombëtares pyetet edhe për ekipin përfaqësues dhe trajnerin e tij, Edi Rejën.
Ruci: “Kombëtarja është e re, trajneri me eksperiencë, po dua të cilësoj një rol që pak e zënë në gojë të trajnerit të dytë. Po ta shikosh De Biazi kur ka shkaur në Evropian i është hedh në qafë trajnerit të dytë, se i dyti është ekuilibristi në ekip. Besoj te trajneri që ka ardhur, por nuk di kush është trajneri i dytë, pastaj do jap një mendim të saktë”. ABC News Albania 24/7
