Thomas Muller ka një admirim të madh për Premier League, prej vitesh kampionati më i fortë në planet. Sulmuesi i Bayern Munchen vlerëson kampionatin anglez, por mendon ndryshe për skuadrat ishullore.
“Më pëlqen shumë cilësia e lojës në Premier League. Ka shumë skuadra të shkëlqyera në kampionatin anglez, por nuk jam i sigurt nëse janë realisht skuadrat më të forta të Evropës.
Neve na ecën kur luajmë kundër tyre. Nuk besoj se skuadrat angleze janë kaq të forta sa të kenë një avantazh të qartë kundrejt të tjerëve. Konkurrenca në Evropë është shumë e madhe.
Sigurisht që Premier League është kampionati më i rëndësishëm në botë, por nuk do të thotë që 5 skuadrat më të mira angleze mund t’i mposhtin skuadrat e tjera.
Po ju jap një shembull: nëse do të përballeshin ekipet e vendeve të katërta në Premier dhe Bundesligë, shanset mes tyre janë 50 me 50“, deklaroi sulmuesi gjerman. /abcnews.al
