Ambasadori rumun, Mircea Perpelea, ka folur nga Korça lidhur me zhvillimet e fundit politike të rëndësishme në Shqipëri.
Perpelea thotë se duhet të ketë një harmoni midis realitetit në Shqipëri, ligjeve dhe vendimeve këshillimore që jep Komisioni i Venecias.
Sa i përket negociatave, ambasadori rumun nuk ka pranuar të flasë për pozicionin e Holandës duke theksuar se çdo vend i BE ka të drejtën e vet teksa thekson se vendimi përfundimtar për Shqipërinë do të merret nga vetë vendet
Në një komunikim për gazetarët ai u shpreh se Shqipëria ndodhet në një fazë tranzitore, ndërsa shtoi se beson që në një afat të shkurtër do të arrijë standardet evropiane.
“Nuk mund të flas për pozicionin e Holandës. Në demokraci secili ka të drejtën e vet, natyrisht vendimin kanë për ata marrë institucionet e komuniteteve Evropiane. Venecia ka një status konsultativ dhe nuk është vendimmarrës, por është këshillues”, tha ambasadori rumun.
Po ashtu ai theksoi se është në mbështetje të sistemit evropian për Shqipërinë. “Sot jemi në një fazë tranzitore të Shqipërisë dhe mendoj që një fazë të shkurtër do të arrijë standardet evropiane”, tha ai./abcnews.al/
