Njëzëri me të gjithë ndërkombëtarët e tjerë, edhe ambasadori i Britanisë së Madhe në Shqipëri, Duncan Norman kërkon dialog për ndryshime të tjera pas miratimit të ndryshimeve në Kodin Zgjedhor sipas marrëveshjes së 5 qershorit.
Norman pohoi se palët duhet të vijojnë dialogun për hapat e tjerë të reformës zgjedhore ndërsa përshëndeti miratimin e marrëveshjes së 5 qershorit.
“Urime Parlamentit për miratimin e marrëveshjes së 5 qershorit pas një periudhe të gjatë pune gjithëpërfshirëse, forcimin e procesit zgjedhor në Shqipëri dhe perspektivat e integrimit. Çdo diskutim i mëtejshëm i reformave duhet të jetë gjithpërfshirëse me pjesëmarrjen aktive të të gjitha palëve”, shkruan Norman./abcnews.al
