Juventus ka marrë një fitore të lehtë ndaj Sassuolos, pasi kanë triumfuar në shtëpi me shifrat 3-0.
Ka qenë një ndeshje e shkëlqyer nga bardhezinjtë që dominuan nga fillimi deri në fund duke vazhduar luftën me Interin për titullin kampion. Pas përfundimit të sfidës, ka qenë Allegri i cili e ka komentuar këtë fitore, por edhe ka thumbuar Interin.
“Të luash kundër Sassuolos është gjithmonë e vështirë, sepse të prish lojën. Ishte e rëndësishme të bënim presion, djemtë e menaxhuan mirë ndeshjen.
Duhet të fitosh ndeshjet, kjo është e vetmja gjë që ka rëndësi. Nuk ishte një ndeshje e thjeshtë sepse ata na vunë disa herë në vështirësi. Kemi 49 pikë dhe po mendojmë për Leçen, të punojmë e të qëndrojmë të heshtur.
Është një ndeshje e vështirë ndaj tyre jashtë fushe, por ndërkohe ne kemi lënë vendin e pestë me 16 pikë prapa. Nuk po mendojmë për derbin e Italisë, por për Leçen. Është sia jo loja polici dhe hajduti, ku hajdutët ikin dhe rojet i ndjekin”, deklaroi Allegri./h.ll/abcnews.al
