Periudha kaotike te Juventusi, me rezultate që nuk mbërrijnë.
Ditët e fundit, për herë të parë, Massimiliano Allegri është vënë në dyshim.
Nga të gjithë duket se më i acaruari është Pavel Nedved, sipas disa burimeve që synojnë të rikthejnë Antonio Conte. Por sipas të tjerëve, është vetë nënkryetari çek që rrezikon punën e tij, shkruan abcnews.al.
Ky, për shembull, është mendimi i Fabrizio Biasin, gazetar i Libero:
“Alegri është në syrin e publikut dhe gjithashtu të një pjese të menaxhmentit. Pavel do të donte të hidhte në erë një trajner, i cili megjithatë fiton 7 milionë euro (plus 2 bonuse) neto në vit deri në vitin 2025. Dhe kështu Nedved është kthyer pak a shumë në heshtje në zyrë, madje duke e ditur se ka edhe nga ata që do të donin ta shoqërojë edhe në dalje. Videot u shfaqën në mënyrë magjike disa javë më parë me ish fituesin e Topit të Artë teksa festonte me femra pothuajse të zhveshura.
“Ajo që është evidente është se mes Nedved-it dhe Allegrit jemi pak a shumë në fazën “ose ai ose unë”, ndërsa mes tifozëve të Juventusit ka nga ata që do të donin që të dy të largoheshin. Disa thashetheme të pakontrolluara flasin për një përpjekje të vetë Nedved-it për të rikthyer në Torino , padyshim duke filluar nga sezoni i ardhshëm Antonio Conten, trajnerin e Tottenhamit, i cili megjithatë u largua keq me Andrea Agnellin. /G.D abcnews.al/
