Juventusi i Max Allegrit e nisi me një barazim 2-2 ndaj Udineses sezonin e ri të Serie A. Pas ndeshjes foli trajneri i bardhezinjve, i cili “qau” rënien fizike në pjesën e dytë, kur edhe Udinese barazoi.
“Bëmë ndeshje të mirë, Në futboll ndodh edhe kështu. Ndonjëherë ndodhin gjëra të papritura. E kishim në kontroll, por nuk menaxhuam dot të papriturat gjatë ndeshjes.
Duhet të mësojmë dhe të na shërbejë si mësim. Në pjesën e dytë humbëm shumë topa. Mbase na lodhi vapa, por nuk mund të pësojmë gola të tillë.
Locatelli do luajë në mesfushë. Është pak mbrapa në gjendjen fizike, Ramsey bëri mirë sot. Bëmë mirë, por në futboll duhet të fitosh, ajo është e vetmja gjë që vlen.
Ronaldo jashtë formacionit? Fola me të, ai është mirë, por duke parë kushtet e të gjithëve i thashë të hynte nga stoli në pjesën e dytë. Ai e vuri veten në dispozicion”, tha ndër të tjera Allegri. /abcnews.al
