Juventusi do të përballet ditën e nesërme me Fiorentinën, takim që do të luhet duke nisur që nga ora 15:00.
Përpara këtij dueli ka folur edhe trajneri i “Zonjës së Vjetër”, Missimiliano Allegri, i cili ka theksuar se skuadra vjollcë është një nga kundërshtarët e vështirë në këtë sezon, teksa ndër të tjera deklaroi se Dusan Vlahovic mund të mos luajë ndaj ish-skuadrës së tij, pasi po mendohet edhe për përballjet në Champions League.
“Nesër na pret një ndeshje e rëndësishme ndaj një kundërshtari të fortë siç është Fiorentina që është përmirësuar shumë. Historia flet vetë në këtë ndeshje, duhet të bëjmë një paraqitje të madhe për të marrë tre pikët.
Kam dëgjuar shumë të flitet që jemi para Interit dhe Milanit, vlerësimet bëhen në fund, se çfarë thuhet tani nuk ka shumë rëndësi.
Vlahoviç mund të mos luaj si titullarë nesër për shkak se na pret dhe ndeshja në Champions, është një opsion që po e mendoj. Rabiot mungon me siguri”, u shpreh Alegri. /f.a/abcnews.al
