Allegri buzëqesh dhe Inzaghi “frikësohet”, Rabiot dhe Chiesa do të luajnë ndaj Interit

Max Allegri, pas barazimit ndaj Empolit dhe në funksion të ndeshjes së madhe ndaj Interit të dielën e ardhshme, mund të marrë frymë lehtësisht. Sipas “Gazzetta dello Sport”, mes të mërkurës dhe të enjtes, Rabiot dhe Chiesa do të kthehen plotësisht në grup për t’u stërvitur.

Dy yjet e bardhezinjve ishin mungesat e dukshme në këtë pjesë të parë të vitit 2024. Francezi mbeti jashtë me një tendosje muskulare, ndërsa sulmuesi italian kishte një shqetësim me gjurin e operuar më parë. Tani ata janë gati të rikthehen e të bëhen gati për sfidën e Scudettos ndaj Interit dhe vetëm ndonjë surprizë e pakëndshme mund t’i ndalë ata./h.ll/abcnews.al