Portieri i Liverpool, Alisson Becker, i ka thurur elozhe ardhjes së re në skuadër, Thiago Alcantaras. Sipas portierit brazilian, Thiago i ka shtuar shumë cilësi skuadrës dhe të gjithë në klub i besojnë shumë atij.
“Thiago është një afrim shumë i rëndësishëm për ne, jo vetëm për faktin që është lojtar i ri, por është një lojtar fantastik. Është një futbollist i shkëlqyer dhe që tani ka shkruar historinë e tij në futboll. Një futbollist me shumë energji.
Ai ka ende shumë dëshirë për të bërë gjëra të mëdha dhe si person, nuk erdhi duke shkaktuar probleme për ne, por duke zgjidhur situata. Jam shumë i kënaqur që e kemi në ekip dhe mund t’i besojmë atij”, u shpreh Alisson./abcnews.al
