Rikthimi në Lyon për Alexandre Lacazette, me “Equipe” duke folur për një marrëveshje përfundimtare mes dy palëve.
Sulmuesi 31-vjeçar largohet si lojtar i lirë nga Arsenali dhe është gati të kthehet në vendlindje në skuadrën nga e cila ka nisur karrierën, duke bërë më pas emrin e tij të njohur në skenën e futbollit botëror.
Lacazette u shit nga Lyon te Gunners në verën e vitit 2017, për 53 milionë euro, duke bërë që atëherë 206 paraqitje me 71 gola.
Gjatë këtij sezoni ai luajti në 36 ndeshje, duke shënuar 6 herë dhe duke ndarë 8 asistime, ndërsa me ekipin e parë të Lionit luajti nga viti 2009 deri në vitin 2017, duke “numëruar” 274 paraqitje dhe 129 gola. /acnews.al/
