Rusia ka shteruar rezervat e saj energjetike të epokës sovjetike dhe industria e energjisë elektrike e vendit ka nevojë për financim, sipas një deklarate nga ministri rus i Energjisë, Sergej Tsivilev.
Duke folur në një forum ekonomik në Vladivostok të Rusisë, Tsivilev tha se rezervat e energjisë elektrike që u krijuan gjatë epokës sovjetike “janë varfëruar”, shkruan Newsweek.
Ai po i përgjigjej një pyetjeje se si Lindja e Largët e Rusisë do ta kalojë periudhën vjeshtë-dimër dhe nëse do të ndërmerren masa shtesë për të siguruar furnizim të besueshëm me energji këtë dimër.
“Arsyeja kryesore për shterimin e rezervave të epokës sovjetike është mungesa e fondeve për modernizimin dhe mirëmbajtjen e pajisjeve,” i tha ai agjencisë shtetërore të lajmeve ruse Tass në intervistën e tij të parë si ministër rus i energjisë, botuar të hënën.
“Për të reduktuar rreziqet, ne kemi klasifikuar tashmë subjektet e Distriktit Federal të Lindjes së Largët si rajone me rreziqe të larta në industrinë e energjisë elektrike dhe po zbatojmë masa për të reduktuar aksidentet dhe për të përmirësuar besueshmërinë e prodhimit termik,” shtoi ministri./abcnews.al
