Albpetroli ia ka dalë të marrë pikët e plota në transfertë me Naftëtarin, në një ndeshje të kontrolluar plotësisht prej tyre. Kumanaku shënoi dy herë, kurse golin e tretë e realizoi Romario Prifti. Patosarakët shkojnë në kuotën e 21 pikëve, pesë më shumë se Tomori i vendit të dytë.
Beratasit sot bënë detyrën kundër skuadrës së Memaliaj, që e mposhtën me shifrat 2-1. Dervishi dhe Paja shënuan dy herë për 15 minuta, ndërsa miqtë i ngushtuan shifrat me Shehun nga fundi i takimit. Butrinti kishte një ndeshje të vështirë në transfertë, kundër Maliqit.
Këto dy skuadra ndanë nga një pikë dhe ishte Tomori që përfitoi, duke u ngjitur në renditje. Përmeti, sikurse Albpetroli kryesues, ia ka dalë të fitojë në transfertë kundër Këlcyrës. Tre gola të shënuar nga përmetarët, ndërkohë që pati edhe dy kartonë të kuq në pjesën e dytë.
Skrapari dhe Gramozi u ndanë në paqe, kurse Tepelena mposhti në shtëpi Delvinën. Beci ishte protagonist absolut, me tre gola të shënuar.
KATEGORIA E DYTË – JAVA 8
E shtunë, më 16 nëntor, ora 13:00
GRUPI B
Tomori-Memaliaj 2-1
Skrapari-Gramozi 1-1
Këlcyra-Përmeti 1-3
Maliqi-Butrinti 1-1
Tepelena-Delvina 3-2
Naftëtari-Albpetrol 0-3
/abcnews.al
