Sulmuesi i Naploit, Victor Osimhen, mund të mos luajë kundër Milanit. Ky është lajmi më i fundit që vjen nga kampi napoletan dhe trajneri Gennaro Gattuso duhet të nisë të shqetësohet.
Bëhet fjalë për një dëmtim të cilin lojtari e ka hasur në ndeshjen kualifikuese të Kupës së Kombeve në Afrikë kundër Sierra Leone javën e kaluar. Është gazetari nigerian dhe miku i ngushtë i Victor, Oma Akatugba, i cili ka konfirmuar lajmin negativ.
“Osimhen ka një problem në shpatull dhe duhet të qëndrojë i qetë për disa javë. Për këtë arsye ai nuk pritet të luajë kundër Milanit”, janë fjalët e Akatugba për “Radio Marte”. Gjithçka tashmë do të varet nga stafi teknik i Napolit, nëse do të jenë në gjendje t’a rikuperojnë sulmuesin në kohë për duelin kundër kuqezinjve, i cili është planifikuar ditën e dielë. /abcnews.al
