Është rishfaqur në ujërat greke në Preveza një peshk i rrezikshëm, i quajtur peshk luan. Ekspertët thonë se peshk luani është një lloj peshku helmues.
Çfarë është peshku luan dhe sa i rrezikshëm është?
Peshku luan është një specie endemike e Oqeanit Indian, që gjendet në ujërat e Detit të Kuq në Afrikën e Jugut dhe Indonezi .
Peshku ka vija të kuqe, të bardha dhe të zeza dhe arrin një gjatësi prej 35 cm, ndërsa trupi i tij është i mbushur me gjemba të mëdhenj dhe të mprehtë.
Jeton pranë brigjeve, në thellësi deri në 80 metra . Gjendet në shtretërit e detit me nënshtresa ranore ose korale. Kryesisht është një organizëm nate. Ushqehet me peshq të vegjël. Përdoret gjerësisht si një specie dekorative në akuariume me ujë deti. Në vendin ku është endemik është i ngrënshëm.
Peshku luan është një specie e huaj në Mesdhe dhe quhet migrant Lessepsian. Hyri në Mesdhe nëpërmjet Kanalit të Suezit.
Regjistrimi i parë i kësaj specieje u bë në 1991 në Detin Levantine. Në tre vitet e fundit , frekuenca e këtij lloji është rritur në mënyrë dramatike në pjesë të ndryshme të Mesdheut Lindor, fakt që tregon se rreth 20 vjet pas regjistrimit të parë në Mesdhe , kjo specie aliene kohët e fundit ka gjetur kushte të favorshme mjedisore për përhapjen e saj .
Ekspertët thonë se kur peshk luani shqetësohet nga zhytësit bëhet shumë agresiv./abcnews.al/
