Salma Hayek nuk heziton të ndajë sekretet e saj të bukurisë me ndjekësit e saj në Instagram. Njëra prej tyre ka të bëjë me kujdesin e flokëve të saj. Në thelb, produktet që zgjedh për flokët janë nga kuzhina e saj. Ajo rekomandon avokadon për flokët e thatë. Hayek gjithashtu rekomandon përdorimin e majonezës si maskë.
Mund të tingëllojë e çuditshme, por majoneza është një përbërës kryesor në maskat e flokëve sepse është bërë me uthull, e cila mund të ndihmojë në rikthimin e niveleve të pH të flokëve. Së fundi, për një pamje me shkëlqim, aktorja joshëse sugjeron shpëlarjen e flokëve me uthull molle.
Falë vetive anti-inflamatore dhe antimikrobike të uthullës së mollës, madje mund të parandalojë probleme të tilla si zbokthi. Sipas saj, sa më aromatik të jetë ushqimi, aq më shumë ka të ngjarë të jetë i mirë për flokët tuaj. Ajo rekomandon gjithashtu dhe të verdhën e vezës.
“Një gjë që mund të bëni për të larguar pak erën e keqe është të shtoni disa pika limon.”, thotë ajo. Si një tjetër alternativë, Hayek rekomandon vendosjen e vajit të kokosit, jo vetëm për aromën e tij të këndshme, por edhe sepse ndihmon flokët që janë jashtëzakonisht të thatë. /abcnews.al
