Aksidentohet dhe arrestohet mbrojtësi i Tottenham, Danny Rose. Gjithçka ka ndodhur në orët e para të mëngjesit të së mërkurës, kur ai po drejtonte me shpejtësi makinën e tij. The Sun raporton, përmes burimeve të veta, se Rose ka shpëtuar mirë.
Parakolpi i makinës është varur, ndërkohë që mjeti i tij Rose ka mbetur me tre goma. Mbrojtësi nuk ka pësuar asnjë lëndim serioz, ndërkohë që policia ka dalë me njoftim pa zbuluar se kush është personi i ndaluar.
“Mund të konfirmojmë se një 30-vjeçar u arrestua si i dyshuar për drejtimin e makinës në mënyrë të rrezikshme në A45 në Northampton pas orës 4:00 të mëngjesit. I dyshuari aktualisht po mbahet në një stacion policor dhe për momentin nuk mund të komentojmë më shumë”, ka deklaruar një zëdhënës i “Northamptonshire Police”.
Rose, para se të merrej në pyetje nga policët, ka bërë kontrollet mjekësore për të parë nëse kishte ndonjë dëmtim prej aksidentit. Futbollisti nuk po kalon një moment të mirë, pasi është lënë jashtë liste nga Jose Mourinho. Rose ka qenë edhe pjesë e Anglisë deri në vitin 2019. /abcnews.al
