Një aksident tragjik ka ndodhur në Maqedoninë e Veriut. Një makinë ka përfunduar në Lumin Vardar, në rrugën Rashçe-Saraj.
Sipas policisë makina ka dalë nga rruga dhe ka përfunduar në lumin Vardar, në automjet ndodheshin pesë persona të familjes Asllani nga Gërçeçi.
Sipas mediave vendase, tre persona kanë humbur jetën, ndërsa kanë vijuar kërkimet për gjetjen e shtetasit tjetër. Theksohet se fëmija i mitur ka arritur të dalë nga makina dhe është gjetur nga kalimtarët të cilin më pas e kanë transportuar në spital në Shkup.
Autoritetet po punojnë për zbardhjen e plotë të këtij aksidenti tragjik.
/abcnews.al/
