Ka rënë në prangat e policisë, 37-vjeçari që u përfshi mbrëmjen e djeshme në aksidentin rrugor në aksin Elbasan-Peqin, ku mbeti i vdekur një 49-vjeçar.
I arrestuari është shoferi i makinës tip “Volkswagen”, i cili u përplas mbrëmë me automjetin tip “Benz”, me drejtues shtetasin A. T., 49 vjeç, banues në Peqin, i cili si pasojë e aksidentit humbi jetën në vendngjarje.
Lexo edhe: VIDEO/ Aksident i rëndë në Peqin-Rrogozhinë, një i vdekur dhe dy të plagosur
Njoftimi i policisë
Nga specialistët e Qarkullimit Rrugor të DVP Elbasan u arrestuan në flagrancë shtetasit:
E. B., 27 vjeç, banues në Elbasan. Ky shtetas, mbrëmjen e djeshme, në aksin Elbasan-Peqin, në fshatin Karinë, Peqin, duke drejtuar automjetin tip “Volkswagen”, është përplasur me automjetin tip “Benz”, me drejtues shtetasin A. T., 49 vjeç, banues në Peqin, i cili si pasojë e aksidentit humbi jetën në vendngjarje. Nga aksidenti u dëmtuan edhe drejtuesi i automjetit “Volksëagen” dhe pasagjeri në këtë automjet, shtetasi P. N., të cilët ndodhen jashtë rrezikut për jetën.
abcnews.al/
