Policia ka dhënë detaje për aksidentin e rëndë që ka ndodhur mbrëmjen e sotme në aksin rrugor Levan-Tepelenë ku humbën jetën 2 persona.
Të përfshirë në aksident kanë qenë disa makina, ndërsa të plagosur kanë mbetur edhe katër persona të tjerë të cilët ndodhen në spital.
“Sot rreth orës 20:20, në aksin rrugor Levan-Tepelenë, në fshatin Buzëmadh, janë përplasur automjetet tip “Zafira” dhe “Ford”. Si pasojë e përplasjes kanë ndërruar jetë dy shtetas dhe janë plagosur katër të tjerë“, njofton policia.
Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë.
/abcnews.al
