Në rrjetet sociale është thirrur një tubim në shenjë solidariteti për viktimat e aksidenteve tragjike që po ndodhin vazhdimisht kohët e fundit.
Tubimi është thirrur që të mbahet nga sheshi “Skënderbej” dhe më pas të marshohet deri tek Ministria e Brendshme dhe Ministria e Transporteve. Ftohen të pranishmit që gjatë protestës të shtihen në tokë dhe të hiqen “si të vdekur” në shenjë sensibilizimi mbi ngjarjet e fundit. Tubimi është thirrur që të mbahet ditën e sotme në orën 20:00.
Sjellim ndërmend që ditën e sotme një aksident tragjik i mori jetën një familje në aksin Vlorë-Levan. Ata ishin kthyer për pushime në Shqipëri, por një “Audi” me shpejtësi të madhe u përplas me makinën e tyre dhe për pasojë familja u shua në vend. /abcnews.al
