Një aksident i rëndë ka ndodhur mbrëmjen e sotme në rrugën e Arbrit në afërsi të Gjoricës.
Burime për Abcnews bëjnë me dije se nga aksidenti 3 persona kanë humbur jetën.
Drejt vendit të ngjarjes janë nisur dy ambulanca dhe një zjarrfikëse. Mësohet se në aksident janë përfshirë dy makina, ndërsa paraprakisht raportohet për dy të vdekur dhe dyshohet për të plagosur.
Informacionet janë paraprake, ndërsa pritet njoftimi i policisë për saktësimin e tyre.
Njoftimi i policisë:
Bulqizë / Informacion paraprak
Rreth orës 18:15, në aksin rrugor Fushë Bulqizë-Shupenzë, në vendin e quajtur ‘Ura e Gjoricës’, janë përfshirë në një aksident rrugor 2 automjete dhe për pasojë kanë humbur jetën në vendngjarje shtetasit K.I., dhe M.I. si dhe ka humbur jetën në spital shtetasja L.I.
Gjithashtu janë transportuar për ndihmë mjekësore në spital shtetaset F.I., K.M., dhe shtetasit M.L., E.L., pasagjer në automjete.
Grupi hetimor ndodhet në vendin e ngjarjes po punon zbardhjen e shkaqeve të aksidentit.
/Abcnews.al/
