Katër persona kanë mbetur të lënduar pasi janë përfshirë në një aksident në Pogradec. Burime për abcnews.al bëjnë të ditur se ngjarja ka ndodhur mëngjesin e sotëm në fshatin Leshnic.
Mësohet se dy automjete janë përplasur dhe për pasojë janë plagosur katër persona. Të plagosurit janë dërguar në spital për të marrë shërbimin mjekësor.
Ndërkohë, policia ka nisur hetimet për zbardhjen e plotë të shkaqeve të aksidentit. /abcnews.al
