Një aksident është shënuar mesditën e kësaj të marte në fshatin Adriatik të Kurbinit. Në aksident është përfshirë një automjet me targa AB162JE dhe një çiklomotor.
I dëmtuari është nisur për në spital për të marrë ndihmë mjekësore. Policia e Kurbinit po heton shkaqet e aksidentit.
Njoftimi i policisë:
Rreth orës 12:00, në fshatin Adriatik, automjeti me drejtues shtetasin Gj. B., është përplasur me ciklomotorin me drejtues shtetasin S. M..
Nga përplasja është dëmtuar shtetasi S. M., i cili është transportuar në Spitalin e Traumës dhe aktualisht është jashtë rrezikut për jetën.
Grupi hetimor po punon për sqarimin e rrethanave të aksidentit./abcnews.al
