Një aksident i rëndë ka ndodhur pak më parë në rrugën nacionale Memaliaj-Krahës, në afërsi të fshatit Toç, kur automjeti i drejtuar nga një 65 vjeçar ka përplasur për vdekje një 23 vjeçar.
Abcnews.al ka siguruar pamjet nga vendi i ngjarjes, ku shihet automjeti i kthyer përmbys. Pas aksidentit, drejtuesi i automjetit është shoqëruar në polici për sqarimin e rrethanave të plota të ngjarjes së rëndë.
Njoftimi i plotë i policisë
Memaliaj/ Informacion paraprak.
Në rrugën nacionale Memaliaj-Krahës, në afërsi të fshatit Toç, automjeti me drejtues shtetasin K. M., 65 vjeç, banues në Gjirokastër ka goditur këmbësorin E. C., rreth 23 vjeç, banues në fshatin Anëvjos, Memaliaj.
Për pasojë ka humbur jetën shtetasi E. C.
Drejtuesi i automjetit shtetasi K. M., është shoqëruar për në ambjentet e DVP Gjirokastër.
Në vendngjarje shkoi grupi hetimor dhe po punon për zbardhjen e plotë të ngjarjes.
/abcnews.al
