Një person ka humbur jetën këtë të martë si pasojë e një aksidenti të ndodhur në aksin rrugor Elbasan-Librazhd.
Policia bën me dije se ngjarja ka ndodhur pranë fshatit Mengel, ku një makinë ka dalë nga rruga e si pasojë ka humbur jetën drejtuesi i saj, me iniciale R.P. 21 vjeç
Burime për abcnews.al bëjnë me dije se dyshohet se ngjarja ka ndodhur në orët e para të mëngjesit të sotëm, por kanë qenë banorët ato që e kanë konstatuar rreth orës 11:00.
“Më datë 07.12.2021, rreth orës 11:40, në aksin rrugor Elbasan-Librazhd, në fshatin Mengël, shtetasi R. P., duke drejtuar mjetin ka humbur kontrollin dhe ka dalë nga rruga.
Si pasojë shtetasi R. P. ka humbur jetën në vendngjarje”, thuhet në njoftimin e policisë./abcnews.al
