Dy persona kanë vdekur si pasojë e një aksidenti trafiku të ndodhur mes dy makinave në Drenoc të Malishevës.
Lajmin për Express e ka konfirmuar Lumni Graishta, drejtor i Policisë për Rajonin e Gjakovës.
“Kemi dy të vdekur. Aksident në mes të dy veturave. Ngasësit e të dyja veturave kanë vdekur si pasojë e aksidentit”, tha Graishta.
Tutja ai tha se Njësitet e stacionit policor Malishevë, trafikut rajonal dhe prokurori janë në vendngjarje.
Teksa shtoi se detaje të tjera nuk kanë për momentin. /Express
